نئی دہلی،26؍اگست(ایس او نیوز؍آئی این ایس انڈیا)ایک طرف جہاں کانگریس نے ہریانہ میں صدر راج نافذ کرنے کا مطالبہ کیا ہے۔ وہیں پارٹی کے سینئر لیڈر اور راجیہ سبھا ممبر پارلیمنٹ ششی تھرور نے ہریانہ کے وزیر اعلی منوہر لال کھٹر پر ڈیرہ حامیوں کے تشدد کو قابو کرنے میں ناکام ہونے کا الزام لگاتے ہوئے استعفی اگر نہیں، توبرخواست مطالبہ کیا ہے۔کانگریس کے ایم پی ششی تھرور نے کہا کہ وزیر اعلی اور اس کی کابینہ ریاست میں قانون نظام کے ذمہ دار ہیں۔یہ کھٹر حکومت کی ناکامی ہے اور انہیں برخواست کرنا چاہئے۔تھرور نے کہا کہ ہریانہ حکومت کہاں تھی؟ لوگوں کو کیسے جمع ہونے دیاگیا؟ ہر کوئی جانتا تھا کہ وہ (پیروکار)تشدد کا سامنا کرنے جا رہے تھے، پھر کیوں ہریانہ حکومت نے دفعہ 144نافذ کرنے کی صورت حال کو کنٹرول نہیں کیا؟ مینجمنٹ ناکام ہوگیا ۔

تھرور نے کہا کہ کھٹرحکومت مکمل طور پر ناکام ہوگئی ہے اور اگر اسے ختم نہیں کیا جائے تو اس کے بعد بہت برا پیغام جائے گا۔انہوں نے کہا کہ وزیر اعلی قانون کو برقرار رکھنے میں ناکام رہے،بہت سے لوگ مرگئے اور اگر انہیں ایسی حیثیت میں رہنے کی اجازت ملی تو پھر ملک کے لئے یہ صحیح نہیں ہوگا۔